Det er ikkje nokon reguleringsplan for eigedomen, og det er då kommuneplanen sin arealdel med føresegner som gjeld. For å unngå regulering av tomta må punkta i 5.1.2 i kommuneplanen sin arealdel 2019-2030 med føresegner og retningslinjer vere oppfylt.

Eigedomen ligg i område med frittliggande småhus og jamfør føresegner til arealdelen § 5.1.2 pkt. 1 bokstav e, skal maksimal grad av utnytting vere bruksareal (BRA) = 35 % og bebygd areal (BYA) = 30 % for kvar eigedom. Arealet skal reknast i samsvar med til ei kvar tid gjeldande teknisk forskrift.
Bruksareal reknast 50% for underetasjar og kjellaretasjar der himling ligg mellom 0,5 og 1,5 meter over gjennomsnittleg terrengnivå.
For tomter over 800 kvm innanfor tettstadgrensa skal kvm- BYA ikkje overstige 240 kvm og heller ikkje overstige kvm- BRA på 350 kvm.

Det vil vere krav til ROS-analyse før eit løyve kan gjevast, jf. føresegner til arealdelen § 5.1.2, pkt. 1 bokstav l). Ei slik analyse er naturleg å ta i samband med eventuell byggesak. Dette er gjort ved eit tidlegare høve på denne tomta, og det vil difor vere sannsynleg at man slepp dette i neste runde.

Det er ved ein tidlegare eigar utført flaumfarevurdering og forundersøking for stabiliet i grunn i samband med søknad om dispensasjon.

Eigedomen grensar til vassdrag. Det er gjort vedtak om dispensasjon med byggegrense 15 meter frå vassdrag. Vedlagde teikningar i salsoppgåva i samband med Kjeilen Hus AS er gjeve dispensasjon i høve byggegrense mot foss, sjå vedlagde dokument i salsoppgåva.